《讀者投稿》
我同老公拍拖無耐就見過晒佢啲親友，當時仲成日同老爺奶奶飲茶食飯添！老爺係一個退休人士、奶奶有返工做野！2個都好開通！未結婚都已經當我係囡咁錫！最好既係，奶奶有層樓，佢知我租地方住，當時老公搬左黎我度住，佢俾間屋我地住，叫我慳返啲租添！我地一直住到現家！
由於我返工地方好近佢地屋企，當時我奶奶好好心機，會煲湯專登攞過嚟我公司俾我,返親去佢度食飯，永遠都有野攞，雖然係啲家用品，但份心意係度！我老公果時成日都話錫晒我，多過佢🤣！
到結婚擺酒，所有野都無管制我地，由得我地自己搞！結婚一年後我懷孕，由佢地知道開始，佢包辦我午餐同晚餐添，我既午餐，唔係隔夜餸黎架，佢專登整一碟餸煮俾我中午食架！夜晚又去度食埋飯先返屋企添！我話請陪月，佢仲四圍幫我問朋友攞資料！到我囡出世，佢知有陪月幫我，無成日過黎，只係電話或者係WhatsApp 問候下我，俾空間俾時間我休息！非常支持我喂人奶，仲專登買野煲俾我飲，仲有會讚我（你知喂人奶幾攰架啦！我奶奶會話「多謝你咁努力，，辛苦你湊豬豬，你湊到豬豬肥肥白白」，我聽到好感動架！
到現家我現家返工，佢地仲幫我湊囡，好好心機學暖人奶俾我囡飲！仲專登買溫度計去度住啲水會唔會過熱！湊我囡期間，有咩問題都會即時打俾我問我，從來都唔會亂嚟！湊得我囡好好！
我成日都話自己前世積福氣、今世有好既老爺奶奶同老公！！
＃我的極品四大長老
Search